அதிகாரப்பூர்வமாக சவுதி அரேபிய எண்ணெய் நிறுவனம் என்று அழைக்கப்படும் சவுதி அராம்கோ சவுதி அரேபிய அரசின் தேசிய எண்ணெய் நிறுவனமாகும். இந்நிறுவனத்தின் சொத்து மதிப்பு அமெரிக்க டாலர் 2 டிரில்லியன் என மதிப்பிடப்பட்டுள்ளது. இது பொதுத்துறை நிறுவனங்களில் பட்டியலிடப்படாத நிறுவனங்களில் அதிக மதிப்புடையதாகும். சவுதி அராம்கோ, கச்சா எண்ணெய் இருப்பிலும் தினமும் உற்பத்தி செய்யும் அளவிலும் கணிசமான அளவில் முன்னணியில் உள்ளது. அதன் இருப்பு 260 billion barrels என கணக்கிடப்பட்டுள்ளது. சவுதி அரேபியாவில் உள்ள தஹ்ரானை தலைமையிடமாகக் கொண்டுள்ளது. இந்நிறுவனத்தின் ஆண்டு உற்பத்தி 7.9 billion barrels, மற்றும் 100 எண்ணெய் மற்றும் கேஸ் வயல்களை பராமரிக்கிறது. இத்துடன் 279 டிரில்லியன் கன அடி இயற்கை எரிவாயுவையும் இருப்பு வைத்துள்ளது. அராம்கோ இயக்கும் கவார் வயல், சாய்பா வயல் ஆகியவை உலகின் மிகப்பெரிய எண்ணெய் வயல்களாகும். Wikipedia