1942-ൽ ബി. എം. ബിർല, ഗുജറാത്തിലെ ഓ‍ഖ തുറമുഖത്തു പ്രവർത്തനം തുടങ്ങിയ കാർ നിർമ്മാണസംരംഭമാണ്‌ ഹിന്ദുസ്ഥാൻ മോട്ടോഴ്സ്‌. 1948-ൽ കമ്പനിയുടെ ആസ്ഥാനം പശ്ചിമ ബംഗാളിലെ ഉത്തർപാറ എന്ന സ്ഥലത്തേക്ക്‌ മാറ്റപ്പെട്ടു. 1957ൽ അംബാസഡർ കാറുകളുടെ നിർമ്മാണത്തോടു കൂടി ആദ്യമായി കാർ നിർമ്മിക്കുന്ന ഇന്ത്യൻ കമ്പനിയായി മാറി 'എച്ച്‌.എം'. അംബാസഡർ കാറുകളുടെ ആദ്യം പുറത്തിറങ്ങിയ മോഡലായിരുന്നു ലാന്റ്‌ മാസ്റ്റർ, ലാന്റ്‌ മാസ്റ്ററിനു` ചെറിയ മാറ്റങ്ങൾ വരുത്തിയതാണു അംബാസഡർ മാർക്ക്‌-1. ബ്രിട്ടീഷ് കാറായ മോറിസ് ഓക്സ്‌ഫോർഡ് അടിസ്ഥാനമാക്കിയാണ്‌ അംബാസഡർ കാർ രൂപകൽ‌പ്പന ചെയ്തത്. 2002-വരെ ഇന്ത്യൻ പ്രധാനമന്ത്രിമാരുടെ ഔദ്യോഗിക വാഹനമായിരുന്നു അംബാസഡർ. 2002-ൽ എച്ച്‌.എം ഉൽപാദാനം നിർത്തലാക്കിയ പ്രമുഖ മോഡലാണു കോണ്ടസ ക്ലാസിക്ക്‌. Wikipedia