யூகோ வங்கி இந்தியாவில் செயல்பட்டுவரும் மிகப்பெரிய பொதுத்துறை வங்கிகளில் ஒன்றாகும். இது 1943ஆம் ஆண்டில் யுனைடெட் கமர்சியல் வங்கி என்னும் பெயரில் கல்கத்தாவில் தொடங்கப்பட்ட வங்கியாகும். 2013 சூன் 1 அன்றைய நிலவரப்படி, 4000 சேவை மையங்களையும் 44 மண்டல அலுவலகங்களையும் கொண்டு இவ்வங்கி இந்தியா முழுவதும் சிறப்பாக செயலாற்றி வருகிறது. மேலும் இவ்வங்கிக்கு ஆங்காங் மற்றும் சிங்கப்பூரில் இரு அயல்நாட்டுக் கிளைகளும் செயல்படுகின்றன. 2013-14 நிதியாண்டில் இவ்வங்கியானது ரூபாய் 4550 பில்லியன் அளவிலான வணிக நடவடிக்கைகளை மேற்கொண்டுள்ளது. 2014ஆம் ஆண்டைய தரவின்படி, போர்ப்ஸ் உலகளாவிய சிறந்த 2000 வங்கிகளின் பட்டியலில் இவ்வங்கிக்கு 1860ஆவது இடம் கிடைத்தது. Wikipedia