ஏர் ஏசியா என்பது மலேசியாவைச் சேர்ந்த குறைந்த செலவு விமானச் சேவை நிறுவனமாகும். உள்ளூர், பன்னாட்டு விமானச் சேவை வழங்கும் இந்த நிறுவனம், ஆசியாவில் முன்னணி வகிக்கும் குறைந்த செலவு விமானச் சேவை நிறுவனமாக விளங்குகிறது. தென்கிழக்கு ஆசிய வட்டாரத்தில் விமான நுழைவுச் சீட்டுக்கள், இருக்கைப் பதிவுகள் இல்லாமல் சேவைகளை நடத்தத் தொடங்கிய முதல் நிறுவனம். இந்த நிறுவனம், 20 டிசம்பர் 1993-இல் தன் சேவையைத் தொடங்கியது. 1993-ஆம் ஆண்டில் இருந்து 1996-ஆம் ஆண்டு வரை இயங்கிய இந்த நிறுவனம், ஓர் அரச நிறுவனத்திற்குச் சொந்தமாக இருந்தது. தொடர்ச்சியாக நட்டம் அடைந்து கடன் சுமையில் இருந்த நிலையில் 2001-இல் டோனி பெர்னாண்டஸ் என்பவரால் ஒரு ரிங்கிட்டிற்கு வாங்கப்பட்டது. அப்போது அதற்கு 40 மில்லியன் ரிங்கிட் கடன் இருந்தது. பின்னர், திட்டமிட்டச் செயல்பாடுகள்; சரியான அணுகுமுறைகளினால் இப்பொழுது வேகமாக வளர்ச்சி அடைந்து வலுவான நிலையில் உள்ளது. Wikipedia