அட்லஸ் சைக்கிள்ஸ் 1951-ம் ஆண்டு சிறிய தகரக் கொட்டகையில், ஜன்கிதாஸ் கபூரால் ஹரியானாவின் சோனிபேட் நகரில் தொடங்கப்பட்டது. நாள் ஒன்றுக்கு ஆயிரக்கணக்கில் சைக்கிள்களை தயாரித்து வந்த அட்லஸ் நிறுவனம் பின் வந்த நாட்களில் லட்சக்கணக்கில் சைக்கிள்களை தயாரித்தது. உலகின் பல்வேறு நாடுகளுக்கு ஏற்றுமதியும் செய்து வந்தது. இது 1951 ஆம் ஆண்டில் துவங்கப்பட்ட நிறுவனமானது 12 மாத காலத்திற்குள் 25 ஏக்கரில் செயல்படுமளவிற்கு தொழிற்சாலை வளாகமானது மேலும் முதல் ஆண்டிலேயே 12000 அட்லஸ் சைக்கிள்களை ஆலையில் உருவாக்கி சாதனை படைத்திருந்தது. சிறுவர்கள், பெரியவர்கள் மற்றும் பெண்களுக்கென்று பிரத்யேகமாக பல வடிவங்களில் சைக்கிள்களை தயாரித்தனர். 1980 - 2000 கால கட்டத்தில் அன்றைய மாணவர்கள் மத்தியில் மிகவும் விரும்பத்தக்க சைக்கிளாக இருந்தது, மேலும் டெல்லியில் 1982-ம் ஆண்டு நடைபெற்ற ஆசிய விளையாட்டுப் போட்டிகளின் உத்யோகப்பூர்வ சைக்கிளாக அட்லஸ் சைக்கிள் இருந்தது குறிப்பிடத்தக்கது. Wikipedia