«Costco Wholesale Corporation», ամերիկյան ակումբային եղանակով մեծածախ վաճառքի ինքնասպասարկման խանութների անդրազգային ցանց։ 2015 թվականի դրությամբ համարվում է աշխարհի երկրորդ ամենախոշոր մեծածախ առևտրի ցանցը «Walmart»-ից հետո։ «Fortune» ամսագրի 500 խոշորագույն ընկերությունների վարկանիշային ցանկում գրավում է 53-րդ հորիզոնականը ։ Ընկերության առաջին մասնաշենքը բացվել է 1983 թվականին՝ Սիեթլ քաղաքում ։ Ընկերության առևտրի կետերում առկա են ամենատարբեր ապրանքատեսակները, մասնավորապես խանութներում վաճառվում են սպասքի պարագաներ, հրուշակեղեն, էլեկտրատեխնիկա, կենցաղային գործիքներ, ավտոպահեստամասեր, անվադողեր, խաղալիքներ, սարքաշարեր, սպորտային ապրանքներ, զարդեղեն, տեղախցիկներ, գրքեր, առողջապահական պարագաներ, կահույք, գրասենյակային պարագաներ և այլն։ 2014 թվականի ապրիլի դրությամբ ընկերությունն ունի 672 առևտրի կետեր Միացյալ Նահանգներում, Կանադայում, Մեծ Բրիտանիայում, Ավստրալիայում, Մեքսիկայում, Թայվանում, Հարավային Կորեայում, Ճապոնիայում և Իսպանիայում ։ Wikipedia