CUP/USD ငွေလဲလှယ်နှုန်းနှင့် သတင်းများ

ကျူးဘား ပီဆို သည် နိုင်ငံတွင်း၌ မိုနီဒါ နာစီယန်နယ် ဟု သိကြသော ကျူးဘားနိုင်ငံ၏ တရားဝင်ငွေကြေး ဖြစ်သည်။ ၂၀၂၁ ခု၊ ဇန်နဝါရီလ ၁ ရက် မတိုင်ခင်အထိ ကျူးဘားတွင် ပီဆို မျိုး ထုတ်သည်။ တမျိုးမှာ ဒေါ်လာနှင့်ချိတ်ထားသော ငွေလဲနိုင်သောပီဆိုဖြစ်ပြီး ကျန်တခုမှာ ပြည်တွင်း၌ လည်ပတ်သုံးစွဲသည့် ပီဆိုတည်း။ တပီဆိုတွင် ၁၀၀ စန်တဗို ရှိသည်။ ငွေလဲနိုင်သောပီဆိုအား အမေရိကန်ဒေါ်လာ တဒေါ်လာနှင့် ချိတ်ထားသည်။ ယင်း ငွေလဲနိုင်သောပီဆိုမှာ ပြည်တွင်းသုံး ၂၅ ပီဆို တန်၏။ သို့သော် မည်သည့်ပီဆိုကိုမှ နိုင်ငံပြင်သို့ ထုတ်ခွင့်မပြု။ ပြင်တွင်းသို့ ယူလာသည်ကို၎င်း၊ ပြည်ပသို့ ထုတ်သွားသည်ကို၎င်း ဥပဒေအရ တားမြစ်ထားသည်။ ၂၀၂၀ ပြည့်၊ ဒီဇင်ဘာလ ၁၀ ရက်တွင် ငွေလဲနိုင်သောပီဆိုကို လည်ပတ်မှုမှ တဖြည်းဖြည်း ဖယ်ရှားသွားမည်ဟု ကြေညာသည်။ ၂၀၂၁ ခု၊ ဇန်နဝါရီလ ၁ ရက်တွင် ငွေကြေးလည်ပတ်ရာတွင်သုံးသော တခုတည်းသော ငွေကြေးဖြစ်လာပြီး အမေရိကန် တဒေါ်လာကို ၂၄ ပီဆိုနှင့် ချိတ်သည်။ ထိုနေ့မှစ၍ ဘဏ်နှင့် ငွေလဲဌာနများတွင် ပီဆိုတမျိုးတည်းသာ ထုတ်ပေးတော့၏။ ယခင်က ကျူးဘား နိုင်ငံပိုင်လုပ်ငန်းများသည် တဒေါ်လာ-တပီဆိုနှုန်းဖြင့် လုပ်ကိုင်ကြခြင်းကြောင့် ဤလုပ်ဆောင်ချက်မှာ နည်းပညာအရ ပီဆိုကို တန်ဖိုးကျစေသည်။ ငွေကြေးစနစ်မပေါင်းမီက ကျူးဘားရှိ နိုင်ငံလုပ်သားအများစုသည် အခြေခံလစာကို ပြည်တွင်းသုံးပီဆိုဖြင့် ရသည်။ အချို့ဌာနတို့က ငွေလဲနိုင်သောပီဆိုနှင့် ရ၏။ Wikipedia

အမေရိကန် ဒေါ်လာ အကြောင်း

အမေရိကန်ဒေါ်လာ သည် အမေရိကန်ပြည်ထောင်စုနှင့် အခြားနိုင်ငံအချို့၏ တရားဝင်ငွေကြေး ဖြစ်သည်။ ၁၇၉၂ ခုနှစ် ဒင်္ဂါးသွန်းလုပ်ရေး အက်ဥပဒေ အရ အမေရိကန်ဒေါ်လာကို စပိန်ငွေဒင်္ဂါးနှင့် တန်းတူသတ်မှတ်ခဲ့ပြီး ၁၀၀ စဲန့် ဖြင့် ပိုင်းခြားကာ ဒေါ်လာနှင့် စဲန့် တန်ဖိုးရှိ ဒင်္ဂါးပြားများ ထုတ်လုပ်ခွင့်ပြုခဲ့သည်။ အမေရိကန် ငွေစက္ကူများကို ဖက်ဒရယ် အရံငွေစက္ကူ များအဖြစ် ထုတ်ဝေပြီး အစိမ်းရောင် အဓိကထားသောကြောင့် "Greenbacks" ဟု လူသိများသည်။ အမေရိကန်ဒေါ်လာကို မူလက သတ္တုနှစ်မျိုးစနစ် အရ သတ်မှတ်ခဲ့သည်။ ၎င်းသည် ငွေစင် ၃၇၁.၂၅ ဂရိန်း ၁၈၃၄ ခုနှစ်မှစ၍ ရွှေစင် ၂၃.၂၂ ဂရိန်း ၊ သို့မဟုတ် တစ်ထရွိုင်အောင်စလျှင် ၂၀.၆၇ ဒေါ်လာနှင့် ညီမျှသည်။ ၁၉၀၀ ပြည့်နှစ် ရွှေစံနှုန်း အက်ဥပဒေ အရ ဒေါ်လာကို ရွှေနှင့်သာ ချိတ်ဆက်ခဲ့သည်။ ၁၉၃၄ ခုနှစ်မှစ၍ ရွှေနှင့် ညီမျှမှုကို တစ်ထရွိုင်အောင်စလျှင် ၃၅ ဒေါ်လာအဖြစ် ပြန်လည်သတ်မှတ်ခဲ့ပြီး၊ ၁၉၇၁ ခုနှစ်တွင် ရွှေနှင့်ချိတ်ဆက်မှုအားလုံးကို ဖျက်သိမ်းခဲ့သည်။ ပထမကမ္ဘာစစ်ပြီးနောက် အမေရိကန်ဒေါ်လာသည် အရေးပါသော နိုင်ငံတကာ အရံငွေကြေး ဖြစ်လာခဲ့ပြီး၊ ဒုတိယကမ္ဘာစစ်အပြီး Bretton Woods သဘောတူညီချက်အရ ကမ္ဘာ့အဓိက အရံငွေကြေးဖြစ်သော ပေါင်စတာလင်ကို ကျော်တက်ခဲ့သည်။ ဒေါ်လာသည် နိုင်ငံတကာ ငွေကြေးလွှဲပြောင်းမှုများတွင် အကျယ်ပြန့်ဆုံး အသုံးပြုသည့် ငွေကြေး ဖြစ်ပြီး၊ လွတ်လပ်စွာ အတက်အကျရှိသော ငွေကြေးလည်း ဖြစ်သည်။ Wikipedia