ເນັດຟລິກ ເປັນບໍລິສັດຂ້າມຊາດທີ່ໃຫ້ບໍລິການໂອທີທີ ແບບສື່ແບບສົ່ງຕໍ່ເນື່ອງຕາມຄຳຂໍທາງອິນເຕີເນັດທົ່ວໂລກ ແລະ ຜູ້ໃຫ້ບໍລິການເຊົ່າຢືມດີວີດີ ແລະ ແຜ່ນບລູເຣທາງໄປສະນີໃນສະຫະລັດອາເມຣິກາ ບໍລິສັດໄດ້ຮັບການກໍ່ຕັ້ງຂຶ້ນໃນປີ 1997 ໂດຍມີສຳນັກງານໃຫຍ່ຕັ້ງຢູ່ທີ່ເມືອງລອສ ແກໂທສ ລັດຄາລິຟໍເນຍ ແລະ ມີອັອບຟິດໃນອີກຫຼາຍປະເທດເຊັ່ນ:ໂຮນລັງ, ເບຣຊິນ, ອິນເດຍ, ຍີ່ປຸ່ນ ແລະ ເກົາຫຼີໃຕ້ ເນັດຟລິກເລີ່ມເປີດຮັບສະມາຊິກແບບເສຍຄ່າບໍລິການໃນປີ 1999 ເມື່ອເຖິງປີ 2009 ບໍລິສັດມີດີວີດີໃຫ້ເລືອກເຊົ່າຢືມປະມານ 100,000 ຊື່ເລື່ອງ ແລະ ມີສະມາຊິກຜູ້ເຊົ່າ ແລະ ຜູ້ຮັບບໍລິການຫຼາຍກວ່າ 10 ລ້ານລາຍ ໃນປີ 2013 ບໍລິສັດເລີ່ມຂາຍທຸລະກິດໄປຍັງການຜະລິດຮູບເງົາຕົ້ນສະບັບ ປີ 2014 ເນັດຟລິກໄດ້ເປີດຕົວບໍລິການຊື່ວ່າ Open Connect Appliance ໂດຍລັກສະນະເປັນບໍລິການທີ່ທາງຜູ້ໃຫ້ບໍລິການ ISP ເປີດໃຫ້ເນັດຟລິກເຊົ່າ Server ເພື່ອເຮັດ Cache ສຳລັບເກັບຂໍ້ມູນຮູບເງົາ ແລະ ຊີຣີຂອງ Netflix ໂດຍໃຊ້ຫຼັກການເຊັ່ນດຽວກັບ CDN ທົ່ວໄປ ຕ່າງກັນທີ່ລະບົບຈະເກັບຂໍ້ມູນ Content ສຳລັບ Netflix ໂດຍສະເພາະ ເມື່ອມີຜູ້ເຂົ້າໃຊ້ງານ ລະບົບຈະໄປຮຽກຈາກ OCA ເຫຼົ່ານີ້ແທນ ເຮັດໃຫ້ຫຼຸດພາລະການເຮັດວຽກຂອງເຊີບເວີຫຼັກ ແລະ ຮອງຮັບການຂະຫຍາຍແບນວິທີງ່າຍ ແລະ ປະຢັດຄ່າໃຊ້ຈ່າຍກວ່າການຂະຫຍາຍເຊີບເວີ Wikipedia