ಪೂಮಾ ಎಜಿ ರುಡಾಲ್ಫ್ ಡಸ್ಸ್ಲರ್ ಸ್ಪೋರ್ಟ್, ಅಧಿಕೃತವಾಗಿ PUMA ಎಂದು ಖ್ಯಾತವಾಗಿದ್ದು, ಇದು ಜರ್ಮನಿಯ ಪ್ರಮುಖ ಬಹುರಾಷ್ಟ್ರೀಯ ಕಂಪನಿಯಾಗಿದ್ದು, ಈ ಕಂಪನಿಯು ಶ್ರೇಷ್ಠವಾದ ಅಥ್ಲೆಟಿಕ್ ಷೂಗಳು, ಜೀವನಶೈಲಿ ನಿರೂಪಿಸುವ ಪಾದರಕ್ಷೆಗಳು ಹಾಗೂ ಇತರ ಕ್ರೀಡಾ ಉಡುಗೆತೊಡುಗೆಗಳನ್ನು ತಯಾರಿಸುತ್ತದೆ. ೧೯೨೪ರಲ್ಲಿ ಗೆಬ್ರೂಡರ್ ಡಸ್ಸ್ಲರ್ ಸ್ಖಹ್ ಫಾಬ್ರಿಕ್ ಎಂಬ ಹೆಸರಿನಲ್ಲಿ ಅಡಾಲ್ಫ್ ಮತ್ತು ರುಡಾಲ್ಫ್ ಡಸ್ಸ್ಲರ್ ಈ ಸಂಸ್ಥೆಯನ್ನು ಸ್ಥಾಪಿಸಿದರು; ಸಹೋದರರಿಬ್ಬರ ಸಂಬಂಧವು ಕೆಡುತ್ತಾ ಸಾಗಿ, ಕಡೆಗೆ ಇಬ್ಬರೂ ೧೯೪೮ರಲ್ಲಿ ಬೇರೆಯಾಗಲು ನಿರ್ಧರಿಸಿ, ಎರಡು ಪ್ರತ್ಯೇಕ ಸಂಸ್ಥೆಗಳಾದ ಅಡೀಡಸ್ ಮತ್ತು ಪೂಮಾ ಗಳನ್ನು ಸ್ಥಾಪಿಸಿದರು. ಪೂಮಾದ ಮೂಲಕಚೇರಿಯು ಈಗ ಜರ್ಮನಿಯ ಹೆರ್ಝೋಗೆನಾರಾಷ್ ನಲ್ಲಿದೆ. ಈ ಕಂಪನಿಯು ತಾನು ತಯಾರಿಸುವ ಫುಟ್ ಬಾಲ್ ಷೂಗಳಿಗೆ ಪ್ರಖ್ಯಾತವಾಗಿದೆ ಮತ್ತು ಖ್ಯಾತ ಫುಟ್ ಬಾಲ್ ಆಟಗಾರರನ್ನು ಪ್ರಾಯೋಜಿಸಿದೆ; ಅವರ ಪೈಕಿ ಪೀಲೆ, ಯೂಸೆಬಿಯೋ, ಜೊಹಾನ್ ಕ್ರುಯಿಫ್, ಎಂಝೋ ಫ್ರ್ಯಾನ್ಸೆಸ್ಕೋಲಿ, ಡೀಗೋ ಮರಡೋನ, ಲೋಥರ್ ಮಥಾಯಿಸ್, ಕೆನ್ನಿ ಡಾಲ್ ಗ್ಲಿಷ್, ಡಿಡ್ಲರ್ ಡೆಸ್ ಚಾಂಪ್ಸ್ ಮತ್ತು ಗಿಯಾನ್ ಲೂಯಿಗಿ ಬಫನ್ ಪ್ರಮುಖರು. ಜಮೈಕಾದ ಟ್ರ್ಯಾಕ್ ಅಂಗಸಾಧನೆಗಾರ ಉಸೇಯ್ನ್ ಬೋಲ್ಟ್ ಸಹ ಈ ಕಂಪನಿ ಪ್ರಾಯೋಜಿಸುವ ಆಟಗಾರರಲ್ಲೊಬ್ಬರಾಗಿದ್ದಾರೆ. Wikipedia