ഹോംZAR / USD • കറന്‍‌സി
add
ZAR / USD
മുൻദിന അവസാന വില
0.054
വാർത്തകളിൽ
സൗത്ത് ആഫ്രിക്കൻ റാൻഡ് എന്നതിനെക്കുറിച്ച്
ദക്ഷിണാഫ്രിക്കയുടെ കറൻസിയാണ് സൗത്ത് ആഫ്രിക്കൻ റാൻഡ്. ഒരു റാൻഡിനെ 100 സെന്റുകളായി വിഭജിച്ചിരിക്കുന്നു. റാൻഡിന്റെ ഐ.എസ്.ഒ 4217 കോഡ് ZAR എന്നാണ്. സൗത്ത് ആഫ്രിക്കൻ റാൻഡിന്റെ ഡച്ച് നാമമായ സ്സ്വിദ് ആഫ്രികാൻസെ റാൻഡ് എന്നതിന്റെ ചുരുക്കരൂപമാണ് ZAR. ദക്ഷിണാഫ്രിക്കയെ കൂടാതെ സ്വാസിലാൻഡ്, ലെസോത്തോ, നമീബിയ, എന്നീ രാജ്യങ്ങളിലും സൗത്ത് ആഫ്രിക്കൻ റാൻഡ് വിനിമയം ചെയ്യപ്പെടുന്നു.
ജൊഹനാസ്ബർഗ് നഗരം സ്ഥിതിചെയ്യുന്ന വിറ്റ്വാട്ടേർസ്റാൻഡ് എന്ന കുന്നിൻപ്രദേശത്തിന്റെ ഫേരിൽനിന്നുമാണ് റാൻഡ് എന്ന നാമം ഉദ്ഭവിച്ചിരിക്കുന്നത്. ദക്ഷിണാഫ്രിക്കയിൽ ഏറെക്കുറെ സ്വർണ്ണ നിക്ഷേപം ഉണ്ടായിരുന്ന ഒരു പ്രദേശമായിരുന്നു ഇത്.
1961 ഫെബ്രുവരി 14നാണ് യൂണിയൻ ഓഫ് സൗത്ത് ആഫ്രിക്കയിൽ റാൻഡ് ആദ്യമായി അവതരിപ്പിച്ചത്. സൗത്ത് ആഫ്രിക്ക റിപ്പബ്ലിക് ആവുന്നതിനും മൂന്ന് മാസങ്ങൾക്ക് മുൻപായിരുന്നു ഇത്. മുൻപ് പ്രചാരത്തിലിരുന്ന സൗത്ത് ആഫ്രിക്കൻ പൗണ്ടിനു പകരമായാണ് റാൻഡ് കൊണ്ടുവന്നത്. 2 റാൻഡ് = 1 പൗണ്ട് = 10 ഷില്ലിങ് എന്ന നിരക്കിലായിരുന്നു റാൻഡ് അവതരിപ്പിച്ചത്. Wikipediaയുണൈറ്റഡ് സ്റ്റേറ്റ്സ് ഡോളർ എന്നതിനെക്കുറിച്ച്
അമേരിക്കൻ ഐക്യനാടുകളുടെ ഔദ്യോഗിക നാണയമാണു ഡോളർ. മറ്റ് ചില രാജ്യങ്ങളിലും യുഎസ് ഡോളർ ഔദ്യോഗികമായും നിയമപരമായും കറൻസിയായി ഉപയോഗിക്കുന്നുണ്ട്. ഡോളർ ചിഹ്നം $ ആണ് സാധാരണയായി അമേരിക്കൻ ഡോളറിനെ സൂചിപ്പിക്കാൻ ഉപയോഗിക്കുന്നത്. $ ചിഹ്നം ഉപയോഗിക്കുന്ന മറ്റ് പല ഡോളർ കറൻസികളും ഉള്ളതിനാൽ അവയിൽനിന്ന് തിരിച്ചറിയുന്നതിനായി USD, US$ എന്നിവയും ചുരുക്കെഴുത്തായി ഉപയോഗിക്കുന്നു. ഒരു ഡോളറിനെ 100 സെന്റുകളായി വിഭജിച്ചിരിക്കുന്നു.
1785 ജൂലൈ 6ന് കോൺഗ്രസ് ഓഫ് ദ കോൺഫെഡറേഷൻ ഡോളറിനെ അമേരിക്കയുടെ ഔദ്യോഗിക നാണയമായി സ്വീകരിച്ചു.അന്താരാഷ്ട്ര പണമിടപാടുകളിൽ ഏറ്റവും ഉപയോഗിക്കപ്പെടുന്ന കറൻസി യുഎസ് ഡോളറാണ്. 1995ൽ ഇതിന്റെ വിനിമയം $38000 കോടി ആയിരുന്നു. അതിൽ മൂന്നിൽ രണ്ടുഭാഗവും വിദേശരാജ്യങ്ങളിലായിരുന്നു ഉപയോഗിക്കപ്പെട്ടിരുന്നത്. 2005ഓടെ വിനിമയം $76000 കോടിയായി. അതിൽ ഏകദേശം പകുതി മുതൽ മൂന്നിൽ രണ്ട് വരെ അമേരിക്കക്ക് പുറത്തായിരുന്നു. ഡിസംബർ 2006ലെ കണക്കുകളനുസരിച്ച് ആകെ വിനിമയമൂല്യത്തിന്റെ കാര്യത്തിൽ യൂറോ, അമേരിക്കൻ ഡോളറിനെ മറികടന്ന് ഒന്നാം സ്ഥാനത്തെത്തിയിരിക്കുകയാണ്. ഇപ്പോഴത്തെ മൂല്യപ്രകാരം 102900 കോടി അമേരിക്കൻ ഡോളറിന്‌ തുല്യമായ €69500 കോടിയാണ് യൂറോയുടെ മൊത്തവിനിമയം. Wikipedia